राजिव घिमिरे

नेता एनेकपा माओवादी

ग्रामिण अर्थतन्त्रमा सुधार

चारतारे युवा क्लव नेपालले सञ्चालन गरेको विविध कार्यक्रम संगै लघुवित्त कार्यक्रमले ग्रामिण स्तरमा राम्रो प्रभाव पारेको छ । शहरकेन्द्रित वैङ्क र सहकारी सञ्चालन हुनाले ग्रामिण स्तरका समुदायहरु यसको पहुँचमा पुग्न सक्दैनन् । यस विषयले सिवाइसी नेपालले सम्वोधन गरेको छ । जसको कारण पनि ग्रामिण अर्थतन्त्र सुधारसँगै संगै समाजिक चेतना,नेतृत्वविकास र सामुहिक कार्य गर्ने वानीको समेत विकास गरेको छ । संस्थाले सञ्चालन गरेको केहि गाविसमा आफुले पनि अनुगमन गर्न पाएकाले उनिहरु लघुवित्तले हौसिनुका साथै प्रगति गरेको पाइएता पनि अलमल पनि पाइएको छ । आफैले जम्मा गरेको रकम कम व्याजदरमा पाउन पाए राम्रो हुने उनिहरुको आशय छ । यस विषयलाई लघुवित्तले सहजिकरण गर्न जरुरि छ । यसका साथै गैर सरकारी संस्थाहरुले सामाजिक चेतना र विकासका लागि सञ्चालन गरेका क्रियाकलापले कहि कतै अर्को प्रभाव पनि पार्ने गरेको देखिएको छ । राजनैतिक र व्यक्ति विशेषको प्रभावले संस्थालाई नै वदनामी गराउने क्रियाकलाप पनि गरेको पाइन्छ । यो विषयमा चारतारे युवा क्लव नेपाल फरक पाएको छु । संस्थाको प्रभावि र अस्तित्व निकै फरक छ,यसको शाख र प्रभावि वढाउनका लागि राज्य संग समेत समन्वय गर्न जरुरि देख्दछु । यसका साथै संस्थाले सञ्चालन गरेको लघुवित्त कार्यक्रम अन्य क्षेत्रमा समेत सञ्चालन गर्न आवश्यक रहेकाले यसका संस्थाले ध्यान पु¥याउनुपर्ने आवश्यकता देखेको छु ।

केवि राना मगर

समाजसेवी

सिवाइसी आत्मनिर्भर बनेको छ यसबाट सवैले सिक्नु पर्छ

सिवाईसीले सामाजिक जागरणको क्षेत्रमा ठूलो काम गरेको छ । त्यसमा कुनै दुई मत छैन । चण्डी भाईको दम्पत्ती मिलेर जुन किसीमले खटिएका छन् त्यसको सराहना गर्नैपर्छ । सबै गैरसरकारी संस्थाहरु डोनरले पैसा दिए काम गर्ने परम्परताको अन्त्य गरेर सिवाइसी आत्मनिर्भर बनेको छ यसबाट सवैले सिक्नु पर्छ । सिवाईसी एकमात्र एउटा संस्था निस्केको छ, जसले आफै लगानी गरेर काम गर्छ । मैले सुनेसम्म ग्रामिण क्षेत्रमा लघुवित्त मार्फत स्थानीय महिलामा लगानी गरेर राम्रो काम गरेको छ । तर ख्याल गर्नुपर्ने कुरा के छ भने, लगानी गरेको रकम के काममा खर्च भैरहेको छ भन्ने कुरा पनि ख्याल राख्नुपर्छ । । कतै कतै लघुवित्तबाट ऋण लिएर बिवाहमा भोज भतेरमा खर्च गर्ने गरेको भन्ने पनि सुनिन्छ । त्यसलाई निरुत्साहित गर्दै उत्पादन मूलक क्षेत्रमा लगानी बढाउन सके समाज र परिवारमा परिवर्तन आउन सक्छ । सिवाईसीले कता आफ्नै भवन बनाउन तयारी गर्दैछ भन्ने सुनेको छु । मेरो शुभकामना छ ।

बसन्तकुमार श्रेष्ठ

मेयर–बागलुङ नगरपालिका

लक्षित वर्गको उत्थानमा भूमिका खेलेको छ

चारतारे युवा क्लव नेपाल (सिवाइसी) ले आफ्नो स्थापनाकाल संगै शशक्तिकरणको क्षेत्रमा राम्रो काम गर्दै आएको छ । संस्थाले केहि वर्ष अघिदेखि सुरुवाट गरेको लघुवित्त कार्यक्रम झनै प्रभावकारी वनेको छ । खासगरी बागलुङ जिल्लासंगै केहि जिल्लाकोे ग्रामिण क्षेत्रमा सञ्चालन गरेको लघुवित्तले लक्षित वर्गको उत्थानमा सवैभन्दा ठुलो टेवा पु¥याएको छ । संस्थाले ग्रामिण क्षेत्रका महिलाहरुले लक्षित गरि सञ्चालन गरेको आयआर्जन र शशक्तिकरण कार्यक्रमलाई अझै प्रभावकारी वनाउनका लागि अन्य गाँउमा समेत शाखाहरु खोल्नुपर्दछ । महिला वर्ग संगै गरिव र असहाय वर्गलाई समेत आयआर्जन र वित्तिय क्षेत्रमा गरेको कार्र्य अझै प्रभावकारी देखिन्छ । यसको क्षेत्र अझै विस्तार गर्ने र लक्षित क्षेत्रभन्दा वाहिर सहकारी गएको अवस्थामा सहकारीले आफ्नो भुमिका तदरुस्त राख्न जरुरी हुन्छ,जसले गर्दा शहकारीको मर्म र सिवाइसीको लक्ष्य पुरा होस् ।

अशोक गोविन्द राजभण्डारी

अध्यक्ष—बागलुङ सहकारी

ग्रामिण क्षेत्रमा नयाँ आयाम ल्याएको छ

बागलुङ जिल्ला लगायतको ग्रामिण क्षेत्रमा सिवाइसीले ग्रामिण क्षेत्रमा लघुवित्त मार्फत नयाँ आयाम ल्याएको छ । महिलाहरुलाई उद्यमी,स्वावलम्वी र शशिक्तिकरणमा विशेष देन दिएको छ । अरु संस्थाले भन्दा सिवाइसीको लघुवित्त प्रभावकारी देखिन्छ । सिवाईसीको उपसमुहमा आफु पनि आवद्ध भएकाले भएकाले नेपाल सरकारले गर्न नसक्ने काम सिवाइसी नेपालले गरेको पाएको छु । सिवाइसीवाट समयआन्दोदनको विषय पनि महत्वपुर्ण रहेको छ । अन्य जिल्लामा पनि यसको शाखा खोलियोस् । कार्यक्रम गर्नु पहिले भन्दा तालिम सञ्चालन गर्ने र वेरोजगार र केहि नभएका महिलाहरुलाई विना धितो लगानी गर्ने गरेको छ । रोजगारीको सिर्जना भएको छ ।

मुकेशचन्द्र राजभण्डारी

पूर्व अध्यक्ष—नेपाल पत्रकार महासंघ, बागलुङ

गरिवी न्यूनिकरणमा टेवा पु¥याएको छ

सिवाईसी नेपालले महिला समुहमा लघुवित्त कार्यक्रम मार्फत आयआर्जन गर्नको लागि सघाउ पु¥याएको छ । गाउँ घरमै पुगेर महिलाहरुको शसक्तिकरणसँगै आम्दानी बढाएर गरिवी न्यूनिकरणमा प्रत्यक्ष वा परोक्ष रुपमा टेवा पुगेको छ । समुहमा बसेर काम गर्दा व्यक्तित्व तथा नेतृत्व विकासको क्षेत्रमा पनि काम गरिरहेको छ । जसले समुदायलाई आत्मनिर्भर बन्न सहयोग पुग्छ । सिवाईसीले विभिन्न क्षेत्रमा सामाजिक काम गरिरहेको छ । सञ्चार क्षेत्रको विकासमा उद्घोषण लगायतका तालिम संचालन गरेर मद्यत गरेको छ ।